Tusk: Polšča pačała intensiŭnuju pracu nad fartyfikacyjaj miažy ź Biełaruśsiu
Premjer-ministr Polščy zajaviŭ pra pačatak intensiŭnaj pracy nad fartyfikacyjaj na ŭsioj uschodniaj miažy. Heta prahučała na siońniašnim bryfinhu padčas vizitu palityka na polska-biełaruskuju miažu, piša Reform.news.
«Hetaja miaža — unikalnaje miesca z-za cisku nielehalnaj mihracyi. Pa sutnaści, my majem spravu z hibrydnaj vajnoj, jakaja praciahvajecca, — zajaviŭ jon.
— Ja chaču, kab nie było nijakich sumnievaŭ: dziaržava z ahresiŭnymi namierami ŭ dačynieńni da Polščy, takaja jak Biełaruś, źjaŭlajecca adnym z arhanizataraŭ hetaj pracedury na polskaj miažy.
Adsiul vyciakaje nieabchodnaść supracoŭnictva ŭsich słužbaŭ, jakija adkazvajuć za biaśpieku Polščy».
Sa słoŭ kiraŭnika polskaha ŭrada, u hramadskaj prastory źjaŭlajecca šmat paviedamleńniaŭ ab «situacyi, źviazanaj ź nielehalnaj mihracyjaj, ekspłuatacyjaj mihrantaŭ i čaściakom handlem ludźmi, jakija nie majuć nijakaha dačynieńnia da mihracyi abo palityčnaha prytułku».
«Heta vyklikaje emocyi, reakcyju arhanizacyj, jakija chočuć dapamahčy. Ale heta nie pavinna zasłaniać samy važny fakt: biaśpieka ŭsich palakaŭ zaležyć ad addanaści i misii ludziej, jakija achoŭvajuć hetuju miažu. Ja chaču paŭtaryć: polski ŭrad, administracyja, pieravažnaja bolšaść palakaŭ — my ŭsie z vami», — zajaviŭ jon.
Tusk paviedamiŭ, što subotnija pieramovy tyčylisia ŭzmacnieńnia achovy polskaj miažy ŭ suviazi z rostam cisku z boku režymu Łukašenki, a taksama ahresijaj Rasii suprać Ukrainy.
«My pačali intensiŭnuju pracu nad sučasnymi ŭmacavańniami, jany buduć pabudavany na ŭsioj polskaj miažy z uschodu. Heta źniešniaja miaža nie tolki Polščy, ale i Jeŭrapiejskaha Sajuza. Usia Jeŭropa pavinna budzie — i ja viedaju, što my hetaha damožamsia, — inviestavać va ŭschodniuju miažu Polščy», — padkreśliŭ jon.
«Kali havorka idzie pra biaśpieku Polščy, resursy nieabmiežavanyja. ( … ) Usie pavinny bačyć, što vy znachodziciesia ŭ centry intaresaŭ i padtrymki polskaj dziaržavy, — zapeŭniŭ premjer. — Ja viedaju, što na hetaj miažy ŭsio bolš i bolš nielehalnych pierachodaŭ, adsiul i rašeńni pa ŭmacavańni pahraničnaj infrastruktury. ( … ) My taksama pracujem nad źmienami ŭ zakanadaŭstvie, jakija zabiaśpiečać poŭnuju padtrymku aficeram».
Małoje dzicia z Mazyra trapiła na štučnuju vientylacyju lohkich — jaho maci abvinavačvaje daktaroŭ u chałatnaści2
Kamientary
hladziš, nieŭzabavie daviadziecca viartacca ź ciopłych marej da chałodnych vam... ź jakich zrešty i pačynali