Pieršaja kaśmičnaja turystka Biełarusi Maryna Vasileŭskaja praciahvaje razdavać intervju. U pieradačy «Dobraj ranicy, Biełaruś!» jana adkazała na pytańnie pra płany na bližejšuju budučyniu.
Maryna paviedamiła, što tolki viarnułasia z «Zornaha haradka», dzie prachodziła reabilitacyju paśla palotu ŭ kosmas. Zdajecca, ciapier jaje hałoŭnaja praca budzie ŭ tym, kab raspaviadać pra toje, jak Biełaruś pry Łukašenku skaryła kosmas. Žančyna ŭžo navat razmaŭlaje kliše prapahandy: «Kosmas naš, tamu što čas vybraŭ nas!» (nahadajem, što častka hetaj frazy była słohanam UNS).
— Zaraz, kaniečnie, budzie vielmi šmat mierapryjemstvaŭ. Ja chaču padzialicca tym dośviedam, jaki atrymała ŭ kosmasie za hety prajekt, ja chaču padzialicca ź ludźmi. Vielmi šmat usiaho jość raskazać i pakazać. I viadoma, ja b vielmi žadała pracavać na karyść našaj krainy, našaha naroda. Mahčyma, navat niešta z kaśmičnaj śfieraj źviazanaje, hramadskaja dziejnaść. Uvohule, ja patryjotka svajoj krainy, ja lublu rodnuju Biełaruś i chaču tut być i pracavać.
Pytańnie, ci palacić jana ŭ kosmas jašče raz, vielmi raśśmiašyła Marynu.
— Chutčej za ŭsio, nie.
Varta adznačyć, što žančyna adekvatna aceńvaje situacyju. Košt dziesiacidzionnych pryhod na MKS letaś kaštavaŭ dla kaśmičnych turystaŭ kala $60 miljonaŭ. Małavierahodna, što druhi raz niechta vyrašyć patracić takuju sumu na tur dla Vasileŭskaj.
Sudzimaść baćki, dzivosy z adukacyjaj, prahały ŭ bijahrafii — tajamnicy žyćcia pieršaj biełaruskaj kasmanaŭtki
Hierainia Biełarusi ci zvyčajnaja kaśmičnaja turystka? Niuansy palotu ŭ kosmas Maryny Vasileŭskaj
Praviaduć telefon i adpraviać u sanatoryj. Jakija lhoty atrymaje kasmanaŭtka Vasileŭskaja jak Hieroj Biełarusi
Stała viadoma, dzie ŭsio ž vučyłasia kasmanaŭtka Maryna Vasileŭskaja
Aleksin i Tapuzidzis skončyli vajnu za tytuniovy rynak Biełarusi. Abodva prajhrali. A voś chto, zdajecca, pieramoh13
Kamientary