Ukraina ŭžo atrymała kasietnyja bojeprypasy, ale pakul nie prymianiała ich
Kamandujučy ŭkrainskaj hrupoŭki vojskaŭ «Taŭryja» Alaksandr Tarnaŭski skazaŭ CNN, što Ukraina ŭžo atrymała ad ZŠA kasietnyja bojeprypasy, ale jašče nie prymianiała ich.
«My tolki što ich atrymali, my ich jašče nie prymianiali, ale jany mohuć radykalna źmianić situacyju, — skazaŭ bryhadny hienierał Tarnaŭski. — Vorah taksama razumieje, što, atrymaŭšy hetyja bojeprypasy, my atrymajem pieravahu. Vorah addaść tuju častku terytoryj, dzie ich mahčyma ŭžyvać».
ZŠA abviaścili pra rašeńnie pieradać Ukrainie kasietnyja bojeprypasy — praź niedachop zvyčajnych — usiaho try dni tamu. Što ich užo dastavili va Ukrainu, dahetul nie paviedamlałasia.
Tarnaŭski padkreśliŭ, što ŭkrainskaje vojska nie budzie ŭžyvać hetyja bojeprypasy ŭ hustanasielenaj miascovaści.
ZŠA kažuć, što atrymali ad ukraincaŭ abiacańnie nie ŭžyvać kasietnyja bojeprypasy ŭ nasielenaj miascovaści, a taksama abiacańnie rehistravać ich prymianieńnie, kab potym raźminiravać hetyja miescy.
Kasietnyja bojeprypasy pryznačanyja pierš za ŭsio dla źniščeńnia žyvoj siły praciŭnika: padčas vybuchu taki snarad, rakieta abo bomba raskidvaje dziasiatki maleńkich «bombačak». Pry hetym vielmi časta niejkaja častka ź ich nie spracoŭvaje i zastajecca lažać i paśla bajavych dziejańniaŭ, niesučy śmiarotnuju niebiaśpieku dla cyvilnaha nasielnictva.
Tamu bolš za sto krain padpisali Kanviencyju ab zabaronie kasietnych bojeprypasaŭ. Adnak ni Ukraina, ni Rasija, ni ZŠA da hetaj zabarony nie dałučylisia.
Aleksin i Tapuzidzis skončyli vajnu za tytuniovy rynak Biełarusi. Abodva prajhrali. A voś chto, zdajecca, pieramoh12
Kamientary
efiektyŭnym było b vykarystańnie kasietnych bajahałovak z rakietami kštałtu
ATACMS, Storm Shadow/Scalp suprać rasiejsich vajennych aeradromaŭ u
apieratyŭnym tyle voraha, kab małaj kolkaściu rakiet źniščać
małabraniravanyja mety kštałtu šturmavikoŭ i asabliva viertalotaŭ.
Što
całkam abhruntavana, bo pad čas kontrnastupu surjeznaj prablemaj dla
ukrainskaj branietechniki stali viertaloty z kiravanymi rakietami "Vichŕ" z maksimalnaj dalokaściu puska 8-10 km, praktyčna niedasiažalnyja va ŭmovach deficytu srodkaŭ frantavoj SPA ZSU.