Rasijskija vojski pavinny pakinuć Biełaruś razam ź jadziernaj zbrojaj — Cichanoŭskaja
Demakratyčny lidar Biełarusi prapanuje Arhanizacyi Abjadnanych Nacyj vynieści pytańnie raźmiaščeńnia jadziernaj zbroi na Hienasambleju i pasiadžeńnie Rady Biaśpieki.
«Raźmiaščeńnie rasijskaj jadziernaj zbroi ŭ Biełarusi niezakonnaje i niebiaśpiečnaje. Choć heta, niesumnienna, ujaŭlaje saboj formu šantažu, takoje zapałochvańnie nie pavinna zastavacca biez adkazu. Ź biełaruskaha punktu hledžańnia, heta ŭjaŭlaje pahrozu našamu suvierenitetu i samomu isnavańniu Biełarusi. Stratehija čakańnia akazałasia nieefiektyŭnaj u praduchileńni hetaha razhortvańnia i ŭ spynieńni varožaha ŭmiašańnia Rasii va ŭnutranyja spravy Biełarusi. Žorstkija sankcyi suprać Rasii i režymu Łukašenki pavinny być adnoj z mnohich formaŭ reahavańnia. Hetaja prablema ciapier zakranaje hłabalnyja intaresy i pavinna abmiarkoŭvacca na Hienieralnaj Asamblei AAN i ŭ Radzie Biaśpieki AAN. Rasijskija vojski pavinny pakinuć Biełaruś razam ź jadziernaj zbrojaj», — napisała Cichanoŭskaja ŭ tvitary.
Učora Uładzimir Pucin zajaviŭ, što pieršyja jadziernyja zarady dastaŭlenyja ŭ Biełaruś.
«My viali pieramovy z našaj Sajuznaj dziaržavaj, prezidentam Łukašenkam pra toje, što my častku hetaj taktyčnaj jadziernaj zbroi pieramieścim na biełaruskuju terytoryju. Heta adbyłosia. Pieršyja jadziernyja zarady dastaŭlenyja na terytoryju Biełarusi. Ale tolki pieršyja», — zajaviŭ rasijski kiraŭnik.
Taksama jon adznačyŭ, što da kanca leta abo hoda ŭ Biełaruś budzie dastaŭlena ŭsia zapłanavanaja jadziernaja zbroja.
Dziarždep pra jadziernuju zbroju RF u Biełarusi: Łukašenka addaje Kramlu ŭsio bolš kantrolu
«Nu što tut za prablema ŭzhadnić naniasieńnie niejkaha tam udaru?» Łukašenka raskazaŭ rasijskaj prapahandystcy pra jadziernuju zbroju
Litva i Polšča zaklikali NATA adkazać na raźmiaščeńnie rasijskaj jadziernaj zbroi ŭ Biełarusi
Kamientary
Tak pieramožam!