Pryhožyn paviedamiŭ, što vyviedzie vahnieraŭcaŭ z Bachmuta ŭ tył da 1 červienia
Zasnavalnik PVK «Vahnier» Jaŭhien Pryhožyn paviedamiŭ u svaim kanale, što padraździaleńni PVK na praciahu piaci dzion «buduć začyščać Bachmut», paśla čaho z 25 maja da 1 červienia pieradaduć jaho padraździaleńniam Minabarony Rasii i adpraviacca ŭ tył na pierafarmavańnie i daasnaščeńnie.
«Tamu na Chromava my nie idziom, na Ivanaŭskaje nie idziom, my pieradajom svaje pazicyi i z 25 čysła pakidajem zonu bajavych dziejańniaŭ. Z 1 červienia nivodnaha bajca PVK «Vahnier» na piarednim krai nie budzie. Da taho času, pakul my nie projdziem pierafarmavańnie i daasnaščeńnie, i daabučeńnie», — zajaviŭ Pryhožyn, dadaŭšy, što Chromava i Ivanaŭskaje (pasiołak i siało ŭ Bachmuckim rajonie) buduć šturmavać padraździaleńni Minabarony.
U subotu Pryhožyn abviaściŭ, što PVK «Vahnier» całkam uziała Bachmut i vyjšła na jaho zachodniuju ŭskrainu, adnak USU heta admaŭlajuć.
Śpikier Uschodniaj hrupoŭki vojskaŭ USU Siarhiej Čaravaty zajaviŭ Bi-bi-si, što ŭkrainskija siły pa-raniejšamu zastajucca ŭ Bachmucie i majuć namier abaraniać jaho. Pavodle jaho, zajavy rasijskaha boku ab poŭnym zachopie Bachmuta nie adpaviadajuć rečaisnaści.
Švied: Uzrovień złačynnaści ŭ Biełarusi dasiahnuŭ svajho histaryčnaha minimumu6
Kamientary