Ukraina, Polšča i krainy Bałtyi źviarnulisia da MAK z zaklikam nie davać palohki rasijskim i biełaruskim spartsmienam
Zajava pradstaŭnikoŭ Ukrainy, Polščy, Litvy, Łatvii i Estonii, skiravanaja da Mižnarodnaha alimpijskaha kamiteta, źjaviłasia 27 sakavika na staroncy Ministerstva zamiežnych spraŭ Ukrainy.
«My pryniali da viedama zaniepakojenaść, vykazanuju śpiecyjalnymi dakładčykami AAN adnosna niedyskryminacyi vyklučna pa nacyjanalnaści spartoŭcaŭ. My škadujem, što MAK vykarystaŭ hetyja aściarohi jak nahodu radykalna źmianić svaju papiaredniuju arhumientavanuju pazicyju ab rekamiendacyi nie dapuskać rasijskich i biełaruskich spartoŭcaŭ i aficyjnych asob da ŭdziełu ŭ mižnarodnych spartyŭnych mierapryjemstvach», — pišuć pradstaŭniki piaci krain.
«My chočam padkreślić, što nie nacyjanalnaść spartoŭcaŭ vyznačaje ich rolu, a toje, što ich spansujuć/padtrymlivajuć ich urady ci kampanii, jakija padtrymlivajuć kramloŭski režym, jaki praciahvaje svaju ahresiŭnuju vajnu suprać Ukrainy, ci navat toje, što jany niepasredna rasijskija vajskoŭcy, — padkreślivajuć aŭtary zvarotu.
— My hłyboka pierakananyja, što ciapier nie čas razhladać pytańnie ab viartańni rasijskich i biełaruskich spartoŭcaŭ na Alimpijskija hulni ŭ luboj jakaści.
Niahledziačy na toje, što MAK jašče nie pryniaŭ nijakich kančatkovych rašeńniaŭ, my nastojliva zaklikajem jaho pierahledzieć svaje płany i viarnucca da pieršapačatkovaj, pravieranaj pazicyi, jakuju padtrymlivaje mižnarodnaja supolnaść».
U toj ža čas prezident MAK Tomas Bach siońnia zajaviŭ, što, maŭlaŭ, Alimpijskija hulni «nie mohuć być arbitrami ŭ hłabalnych palityčnych sprečkach». Taksama jon dadaŭ, što Alimpijskija hulni pavinny trymacca jak maha dalej ad palityki, tamu što, maŭlaŭ, u advarotnym vypadku jany straciać svaju abjadnalnuju siłu.
Raniej MAK apublikavaŭ zajavu, u jakoj zaklikaŭ dazvolić asobnym rasijskim i biełaruskim spartsmienam, jakija nie padtrymlivajuć vajnu va Ukrainie, udzielničać u spartyŭnych spabornictvach pad niejtralnym ściaham.
Stała zrazumieła, čamu kiraŭnik biełaruskaha Ernst&Young nie zmoh asabista raźvitacca z kalektyvam4
Kamientary