Navukoŭcy znajšli ŭ kišačniku fiermient, jaki ŭpłyvaje na praciahłaść žyćcia, i zdoleli padoŭžyć žyćcio much
Navukoŭcy ź Vialikabrytanii i Niderłandaŭ zmahli pavialičyć praciahłaść žyćcia much i čarviakoŭ dziakujučy abmiežavańniu aktyŭnaści fiermienta, jaki znachodzicca ŭ kišačniku ŭsich žyvych istotaŭ, u tym liku ludziej, piša Eurekalert!.
Źnižeńnie aktyŭnaści fiermienta Pol III u kišačniku much i čarviakoŭ było dastatkovym dla padaŭžeńnia ich žyćcia. Taksama muchi žyli daŭžej, kali jaho dziejańnie pryhniatali tolki ŭ stvałavych kletkach ich kišačnikaŭ.
Fiermient RNK-palimieraza-III (Pol III) nieabchodny dla paskareńnia białkovaha sintezu i rostu kletak. Adnak, jak adznačaje vydańnie, jahonaja rola ŭ stareńni nie była viadomaja da hetaha času.
Zhodna z vynikami pracy daśledčykaŭ, zdolnaść vyžyvańnia kletak droždžaŭ, a taksama praciahłaść žyćcia much i čarviakoŭ pavialičyłasia ŭ siarednim na 10 adsotkaŭ pry nievialikim źnižeńni aktyŭnaści Pol III ŭ darosłym arhaniźmie.
Dla praviadzieńnia analizaŭ vykarystoŭvalisia droždžy, muchi i čarviaki, bo ŭsie hetyja arhanizmy mocna adroźnivajucca adno ad adnaho, ale ŭsie majuć Pol III.
Ciapier navukoŭcy płanujuć pahłybić viedy ab fiermiencie, kab zrazumieć jaho funkcyju ŭ darosłym arhaniźmie i pralić śviatło na toje, jak źnižeńnie jaho aktyŭnaści moža padoŭžyć žyćcio.
-
«Apošni ekzamien čałaviectva». Dla niejrasietak stvaryli maksimalna składany akademičny test — i voś jaki vynik
-
Sapraŭdny košt DeepSeek, kitajskaha čat-botu, što abvaliŭ fondavy rynak ZŠA, akazaŭsia zusim nie takim
-
U nastupnyja 10 hadoŭ vučonyja spadziajucca pieramahčy biaspłodnaść. Ale hetaja technałohija niasie i novyja ryzyki
«Hłabalna niama roźnicy pamiž mnoj, Paźniakom i Cichanoŭskaj». Čym siońnia žyvie dysident Viačasłaŭ Siŭčyk — vialikaja hutarka21
Kamientary