Polšča ŭzmacniła achovu miažy ź Biełaruśsiu vajskovaj žandarmieryjaj
25.06.2024 / 16:54
Supracoŭniki polskaj vajskovaj žandarmieryi pačali słužbu na miažy ź Biełaruśsiu z 24 červienia, paviedamlaje sama heta struktura ŭ sacsietcy X.
Fota: AP Photo / Michal Dyjuk
Polskija žandary buduć vykonvać zadačy pa patrulavańni, kantroli pavodzin natoŭpu, a taksama buduć pravodzić treniroŭki dla vajskoŭcaŭ śpiecyjalnaha padraździaleńnia Podlasie pa harantavańni hramadskaj biaśpieki i paradku.
U kancy maja premjer-ministr Polščy Donald Tusk zajaviŭ, što na polska-biełaruskuju miažu nakirujuć dadatkovyja siły polskaha vojska i palicyi.
Z 13 červienia Polšča ŭviała bufiernuju zonu na miažy ź Biełaruśsiu, zabarona budzie dziejničać ciaham 90 dzion.