Enierhietyki pastavili na aporach łep bolš za 200 płatformaŭ dla buślanak
27.03.2023 / 16:6
Biełaruskija enierhietyki pastavili sioleta na apory linij elektrapieradač bolš za dźvie sotni płatformaŭ dla hniozdaŭ biełych busłoŭ. Pra heta paviedamlaje pres-słužba Minenierha.
Kanstrukcyi ŭstalavali pieravažna ŭ małych nasielenych punktach na poŭdni Biełarusi, dzie adznačajecca vysokaja ščylnaść busłoŭ.
Akramia hetaha, štučnyja płatformy mantujuć pry rekanstrukcyi i budaŭnictvie novych elektrasietak. Heta dazvalaje abaranić pavietranyja linii ad adklučeńnia, a ptušak ad hibieli.
Pa słovach pres-słužby Minenierha, płatformy zamacoŭvajucca na biaśpiečnaj adlehłaści ad tokavodnych častak łep, za košt čaho ptuški mohuć vieści zvyčajny ład žyćcia biez ryzyki paražeńnia tokam.
U Biełarusi žyvie kala 25 tysiač par biełych busłoŭ. Bolš za tracinu ź ich hniazdujecca mienavita na aporach linij elektrapieradač i suviazi.
Čytajcie taksama:
Try biełaruskija buślanki ŭvajšli ŭ top-10 samych vialikich hniozdaŭ biełych busłoŭ u Jeŭropie
Šmat busłoŭ pierastała mihravać u Afryku, im dobra na ispanskich śmietnikach