Za tydzień anamalna ciopłaha nadvorja zafiksavana amal 200 tempieraturnych rekordaŭ
198 tempieraturnych rekordaŭ zafiksavana na biełaruskich mieteastancyjach za tydzień (25-31 studzienia) anamalna ciopłaha nadvorja. Pra heta śviedčyć praviedzieny vydańniem «Pozirk» paraŭnalny analiz apieratyŭnych i archiŭnych danych Biełhidramieta.
U apošni dzień studzienia maksimumy abnavilisia na 21 mieteastancyi.
Ciaplej za ŭsio było na poŭnačy: u Šarkaŭščynie — 8,5 hradusa (5,2 u 2016 hodzie), Łyntupach — 8,4 (5 u 2016-m), Dokšycach — 8,3 (4,5 u 2016-m), Vierchniadźvinsku — 8,2 (5,3 u 1989-m).
Novyja rekordy — u troch abłasnych centrach: Hrodnie — 8 (6,8 u 2002 hodzie), Homieli — 6,8 (6 u 2015-m) i Mahilovie — 5,3 (4,9 u 1955-m).
Pierapisanyja maksimumy taksama ŭ Jeziaryščy — 7,9 (3,4 u 1989-m), Brahinie — 7,8 (7,3 u 2015 hodzie), Ašmianach — 7,7 (4,9 u 1989-m), Vasilevičach — 7,6 (6,7 u 2015-m), Vilejcy — 7,5 (4,6 u 1989-m), Lidzie — 7,4 (7 u 2002-m), Połacku — 7,3 (5,2 u 2016-m), Žłobinie — 7,2 (6,2 u 2015-m), Vałožynie — 6,2 (4,4 u 2015-m), Naračy — 5,8 (5,3 u 2016-m), Navahrudku — 5,6 (4,3 u 2002-m), Oršy — 4,6 (3,7 u 2016-m), Horkach — 4,2 (4 u 2015-m) i Siańnie — 3,7 (3,4 u 2013-m).
Stała viadoma imia čałavieka, jakoha siłaviki nazvali pieršym zatrymanym pa spravie «Hajuna»17
Kamientary
I pluje putin na problemi krajin Hłobalnoho Pivdnia...