Ułady Vieniesueły abviaścili Maduru pieramožcam vybaraŭ z 51% hałasoŭ. Ale jość pytańni
Ułady Vieniesueły abviaścili, što na niadzielnych prezidenckich vybarach pieramoh dziejny prezident Nikałas Madura. Za jaho, pavodle aficyjnych źviestak, prahałasavaŭ 51% vybarščykaŭ. Niezaležnyja apytańni davali 60% hałasoŭ jaho supierniku.
Nacyjanalnaja vybarčaja rada, padkantrolnaja Maduru i jahonaj Adzinaj sacyjalistyčnaj partyi Venesueły, abviaściła, što paśla apracoŭki 80 adsotkaŭ biuleteniaŭ dziejny prezident nabiraje 51,2% hałasoŭ, a kandydat ad abjadnanaj apazycyi Edmunda Hansales — 44%.
«Heta była pieramoha dla ŭsich. Heta była pieramoha, jakaja dapamoža nam pabudavać budučyniu», — zajaviŭ Radryhies, adznačyŭšy, što nieabchodna dačakacca aficyjnych padlikaŭ Nacyjanalnaj vybarčaj rady CNE z «pavahi da zakonaŭ krainy», — skazaŭ kiraŭnik pieradvybarčaha štaba Madury Chorchie Radryhies.
Sa słoŭ hienierała Uładzimira Padryna Łopiesa, vybary prajšli mirna i zajaviŭ, što «paŭstancki šlach hvałtu byŭ pakinuty», a vieniesuelski narod «adkryvaje svaje abdymki dla novaha etapu».
«My ŭpeŭnienyja, što zmožam harantavać narodu Vieniesueły mir, za jaki jon siońnia vykazaŭsia», — zajaviŭ Padryna Łopies.
Prezidenckija vybary ŭ Vieniesuele prajšli 28 lipienia. Aficyjna zarehistravacca na ich zmahli dziesiać kandydataŭ, uklučajučy kirujučaha z 2013 hoda prezidenta Maduru.
Hałoŭnym kankurentam Madury na vybarach staŭ Edmunda Hansales Urucia z Demakratyčnaj unitarnaj płatformy.
Pavodle apytańnia niezaležnaj kampanii ORC Consultores (afilavanaja ź vieniesuelskaj apazicyjaj), jaho šancy na pieramohu byli vielmi vysokija: 59,6% hałasoŭ, u toj čas jak Madura — kala 12,5%.
Madura kiruje Vieniesuełaj z 2013 hoda paśla śmierci Uha Čaviesa, u 2018-m apazicyja nie pryznała vynikaŭ vybaraŭ, nazvaŭšy prezidentam Chuana Huajdo.
Stała viadoma imia čałavieka, jakoha siłaviki nazvali pieršym zatrymanym pa spravie «Hajuna»14
Kamientary
Cikava, ci chopić rozumu Łukašenku, kali jon budzie čarhovy raz “pieramahać” na vybarach?
P.s, miarkuju, što namaluj sabie Łukašenka ŭ 2020-m niešta ŭ miežaž 55-65%, to ŭsio mahło by być inakš.