Jeŭrapiejcy hatovyja pahadzicca na adpraŭku svaich vojskaŭ dla achovy biełaruska-ŭkrainskaj miažy — vialikaje apytańnie
Novaje apytańnie hramadskaj dumki vyjaviła, što ŭkraincy zachoŭvajuć vieru ŭ pieramohu, tady jak jeŭrapiejcy — skieptyki, ale hatovyja dalej pastaŭlać Ukrainie zbroju.
Apytańnie «Značeńnie suvierenitetu: ukrainskija i jeŭrapiejskija pohlady na vajnu Rasii z Ukrainaj», praviedzienaje Jeŭrapiejskaj radaj pa mižnarodnych adnosinach (ECFR) u 14 krainach Jeŭropy i Ukrainie ŭ pieršaj pałovie maja, pakazaŭ, što, choć padtrymka Ukrainy i hatoŭnaść pastaŭlać zbroju Kijevu zastajucca vysokimi, razychodžańni ŭ pohladach jeŭrapiejcaŭ i ŭkraincaŭ mohuć mieć surjoznyja palityčnyja nastupstvy ŭ bližejšyja miesiacy i hady.
Aŭtary daśledavańnia — staršynia Centra libieralnych stratehij u Safii (Bałharyja) Ivan Kraścieŭ (Ivan Krastev) i dyrektar Jeŭrapiejskaj rady pa mižnarodnych adnosinach Mark Leanard (Mark Leonard).
Padtrymka pastavak zbroi, ale nie adpraŭki vojskaŭ
«Vyniki, na pieršy pohlad, abnadziejvajuć. Padtrymka vajny ŭ jeŭrapiejskich krainach zastałasia stabilnaj, a maralny duch na Ukrainie vysoki», — adznačajecca ŭ spravazdačy.
Tak bolšaść jeŭrapiejcaŭ pa-raniejšamu padtrymlivajuć pradstaŭleńnie techničnaj dapamohi i pavieličeńnie pastavak zbroi i bojeprypasaŭ. Tolki ŭ Bałharyi, Hrecyi i Italii bolšaść nasielnictva (adpaviedna 63%, 54% i 53%) ličyć, što pavieličeńnie pastavak «kiepskaj idejaj».
U toj ža čas bolšaść jeŭrapiejcaŭ nie hatovyja tracić bolš srodkaŭ na abaronu, niahledziačy na vajnu va Ukrainie. Tolki ŭ Polščy (53%), Estonii (45%), Šviecyi (41%) i Hiermanii (40%) značnaja častka nasielnictva padtrymlivaje pavieličeńnie vydatkaŭ na nacyjanalnuju abaronu.
Supraciŭleńnie jeŭrapiejcaŭ (ad 54% u Šviecyi da 90% u Bałharyi) vyklikaje ideja niepasrednaha ŭdziełu svaich vojskaŭ u vajnie. Adnak jany schilnyja adobryć udzieł ich udzieł u vajnie inšymi sposabami. Naprykład, šlacham akazańnia techničnaj dapamohi ŭkrainskim vajskoŭcam ci sadziejničańnia ŭ patrulavańni ŭkrainska-biełaruskaj miažy.
Roznyja pohlady na vynik kanfliktu
Kali mierkavać pa vynikach apytańnia, to zaŭvažnaja hłybokaja prorva pamiž jeŭrapiejskimi i ŭkrainskimi mierkavańniami ab tym, jak skončycca vajna i ab mecie padtrymki z boku Jeŭropy.
Bolšaść ukraincaŭ praciahvajuć vieryć, što jany mohuć vyjhrać vajnu suprać Rasii, tolki 1% ličać, što jana skončycca pieramohaj Kramla. Mienš za treć (30 %) ličać urehulavańnie šlacham pierahavoraŭ najbolš mahčymym vynikam.
Pry hetym amal kožny treci ŭkrainiec vieryć, što vajna skončycca ciaham bližejšaha hoda, a dva z troch (u cełym kala čverci nasielnictva Ukrainy) ličać, što jana skončycca pieramohaj Ukrainy.
Pry hetym ukraincy ličać, što atrymańnie bolšaj kolkaści zbroi i bojeprypasaŭ ad sajuźnikaŭ — adziny sposab pavysić svaje šancy na pieramohu.
U toj ža čas jeŭrapiejcy schilnyja ličyć, što Ukraina nie pieramoža Rasiju na poli boju, pryčym prykładna ad treci da pałovy apytanych miarkujuć, što vajna skončycca mirnym urehulavańniem, i da 31 % (Hrecyja) ličać pieramohu Rasii najbolš mahčymaj. Z apytanych krain ES tolki ŭ Estonii vierać u pieramohu Ukrainy (38%).
Navat kali ŭjavić sabie scenaryj, pry jakim pastaŭki zbroi va Ukrainu rezka ŭzrastuć, u 11 z 15 apytanych krain kampramis pa-raniejšamu razhladajecca jak najbolš mahčymy zychod.
Pryjom Ukrainy ŭ NATA
Padzieł u hramadskaj dumcy pamiž jeŭrapiejcami i ŭkraincami taksama bačny ŭ pytańniach ustupleńnia Ukrainy ŭ NATA.
U toj čas, jak u zachodnich stalicach pytańnie ab členstvie ŭ NATA, jak praviła, abmiarkoŭvajecca jak častka mahčymaha kampramisnaha pahadnieńnia z Rasijaj, ukraincy pakul nie hatovyja pahadzicca na sastupku svajoj terytoryi dziela ŭstupleńnia ŭ paŭnočnaatłantyčny błok. Suprać takoha scenaryja vykazałasia siem ź dziesiaci (71%).
Adnačasova jany nie hatovy padtrymać ideju «finlandyzacyi», pry jakoj Ukraina zachavaje svaju terytoryju, ale admovicca ad siabroŭstva ŭ ES i NATA.
Mienš za pałovu (45%) pakazali, što addali b pieravahu stracić častku svajoj ciapier akupavanaj terytoryi, ale zastacca suvierennymi, «sa svaim ułasnym vojskam i svabodaj vybaru aljansaŭ, takich, jak ES i NATA».
Tolki kožny čaćviorty (26%) zajaviŭ, što chacieŭ by viarnuć sabie akupavanyja ciapier terytoryi ŭzamien za demilitaryzacyju i niejtralitet.
«Naša novaje apytańnie pakazvaje, što adnoj z klučavych zadač dla zachodnich lidaraŭ stanie prymireńnie supiarečlivych pazicyj pamiž jeŭrapiejcami i ŭkraincami adnosna taho, jak skončycca vajna.
Choć abiedźvie hrupy pryznajuć nieabchodnaść praciahu pastavak uzbrajenńniaŭ, kab dapamahčy Ukrainie dać adpor rasijskaj ahresii, isnuje hłybokaja prorva pamiž tym, što ŭjaŭlaje saboj pieramoha – i jakaja na samoj spravie meta jeŭrapiejskaj padtrymki», — pišuć aŭtary.
Kamientary