Śviatłana Cichanoŭskaja adkryła Dzień Biełarusi ŭ Jeŭraparłamiencie
Z nahody Dnia voli deputaty Jeŭraparłamienta i palityki Jeŭrapiejskaj narodnaj partyi z dapamohaj Biełaruskaha volnaha teatra i Biełaruskaha doma ŭ Varšavie arhanizavali Belarus Freedom day — tematyčny ivent u honar Biełarusi.
U jaho miežach adkryłasia vystava «Ja nie bajusia, niachaj jany bajacca», pryśviečanaja Alesiu Bialackamu — biełaruskamu nobieleŭskamu łaŭreatu i staršyni pravaabarončaha centru «Viasna».
Śviatłana Cichanoŭskaja naviedała mierapryjemstva i vystupiła z pramovaj pierad haściami. Jana ŭzhadała nobieleŭskaha łaŭreata Alesia Bialackaha i inšych palitviaźniaŭ.
«Režym pomścić Alesiu za jahonuju mužnaść i pryncypy. Režym pomścić Alesiu za jaho dabryniu i adkrytaje serca. Režym pomścić Alesiu za toje, što jon jeŭrapiejec i adstojvaje kaštoŭnaści humanizmu. Aleś achviaravaŭ svajoj svabodaj, bo vieryŭ u svabodu dla ŭsich. Jon vieryŭ, što pakul svabodnymi nie buduć usie, svabodnym nie budzie nichto. Ale kali režym dumaje, što turma złamaje Alesia, jon pamylajecca. Takija ludzi, jak Aleś, jak usie našyja palityčnyja viaźni, — jany niepachisnyja».
Paśla adkryćcia vystavy prajšoŭ pierformans Biełaruskaha volnaha teatra «Postdziacinstva» z udziełam maładych aktoraŭ i aktorak, jakija pakazali svaje ŭłasnyja historyi movaj teatru — ab vymušanaj emihracyi i vajnie.
«U Łatuški na mianie kryŭda. A ja adstojvaju svajo mierkavańnie». Dušeŭnaja hutarka z Volhaj Kavalkovaj — pra palityku, siužet na BT i tyndar
Łukašenkaŭski błohier pazvaniŭ Cichanoŭskaj i zaprasiŭ na ekskursiju ŭ turmu. Taja daścipna adkazała
«Bi-2» zapościli fota ź Cichanoŭskaj i paabiacali vystupić u Minsku paśla pieramohi
Dziajkała: Naša situacyja nie ciahnie na Mižnarodny trybunał u Haazie. Važna, kab praces nad Łukašenkam adbyŭsia ŭ Minsku11
Kamientary
Małodiec, Śviatłana !
Rabotajet v pocie lica.