Kaardynacyjnaja rada: Kaleśnikava nie źbirałasia pakidać Biełaruś
Maryja Kaleśnikava nie źbirałasia pakidać miežy Biełarusi, zajaviŭ člen Kaardynacyjnaj rady Maksim Znak.
Maksim Znak paviedamiŭ «Svabodzie», što nie moža paćvierdzić vyjezd Kaleśnikavaj, Kraŭcova i Radniankova va Ukrainu.
«Jany nie vychodzili na suviaź. Akramia taho, my z Maryjaj Kaleśnikavaj abmiarkovali situacyju paśla taho, što zdaryłasia z Volhaj Kavalkovaj, jakuju vyvieźli ŭ Polšču. I Maryja kazała, što ni ŭ jakim razie nie budzie zhodnaja na vyjezd z krainy, kali takoje zdarycca ź joju».
Učora ranicaj Maryju Kaleśnikavu nieviadomyja zabrali ŭ mašynu z nadpisam «Suviaź» kala Nacyjanalnaha muzieja. Taksama ranicaj źnikli čalcy KR Anton Radniankoŭ i Ivan Kraŭcoŭ.
Siońnia ranicaj Pamiežny kamitet paviedamiŭ, što Kaleśnikava, Radniankoŭ i Kraŭcoŭ pierasiekli miažu z Ukrainaj na pamiežnym pierachodzie «Alaksandraŭka» ŭ Naraŭlanskim rajonie. Na «Biełaruś 1» paviedamili, što Kaleśnikavu na miažy zatrymali.
Ci varta biełaruskim niezaležnym miedyja brać hrošy ŭ Chadarkoŭskaha? Adkazvajuć Knyrovič, Stryžak i Paŭlučenka8
Kamientary