Абвешчаныя кароткія спісы намінантаў прэміі імя Наталлі Арсенневай за 2022 і 2023 гады
Журы паэтычнай прэміі Наталлі Арсенневай вызначылася з кароткімі спісамі за 2022 і 2023 гады, піша penbelarus.org.
Кароткі спіс за 2022 год выглядае наступным чынам:
Альгерд Бахарэвіч, «Вершы» (выдавецтва Viasna)
Наста Кудасава, «Побач» (выдавецкая ініцыятыва Skarynyčy)
Вальжына Морт, «Песні для мёртвых і ўваскрэслых» (выдавецтва «Пфляўмбаўм»)
У кароткі спіс прэміі за 2023 год увайшлі кнігі:
Валянціна Аксак, «Уцёкі з Палесся» (фонд Kamunikat.org)
Марыя Бадзей, «Мёд і дым» (выдавецтва «Пфляўмбаўм»)
Ганна Шакель, «Цела мігдалу» (выдавецкая ініцыятыва «Вільма»)
Пераможцаў назавуць на цырымоніі ўзнагароджання, якая адбудзецца 20 верасня, у дзень нараджэння патронкі прэміі Наталлі Арсенневай. Імпрэза пройдзе ў Варшаве, на пляцоўцы партнёра цырымоніі — Моладзевага хаба.
Сёлета ў складзе журы — вядомыя імёны літаратурнага свету. Эксперты і эксперткі, якія будуць вызначаць пераможцаў за два гады:
Дар’я Бялькевіч — паэтка, перакладчыца песень. Яе першы паэтычны зборнік вершаў «Слёзы на вецер» атрымаў прэмію Наталлі Арсенневай за 2021 год.
Міраслава Лукша — журналістка, пісьменніца і перакладчыца, аўтарка кніг паэзіі і прозы.
Аляксандр Распапоў — славіст, літаратуразнаўца, перакладчык, доктар гуманітарных навук, дацэнт Інстытута ўсходнеславянскай філалогіі ва Універсітэце імя Адама Міцкевіча. Сябра Славістычнай камісіі Польскай акадэміі навук і Еўрапейскага філалагічнага таварыства.
Андрэй Хадановіч — паэт, перакладчык, літаратуразнаўца, пераможца прэміі імя Наталлі Арсенневай за 2019 год.
Дзяйкала: Наша сітуацыя не цягне на Міжнародны трыбунал у Гаазе. Важна, каб працэс над Лукашэнкам адбыўся ў Мінску25
Каментары
Да сустрэчы ў Моладзевым Хабе.