Zajcaŭ dałažyŭ Łukašenku pra vykryćcio špijonaŭ sumiežnaj dziaržavy
2.04.2012 / 15:3
Pra heta jon raskazaŭ na kanale
Alaksandr Łukašenka 2 krasavika pryniaŭ z dakładam staršyniu Kamiteta dziaržaŭnaj biaśpieki Vadzima Zajcava.
Kiraŭnik KDB prainfarmavaŭ ab asnoŭnych napramkach u raźvićci i ŭdaskanaleńni raboty orhanaŭ dziaržbiaśpieki, kontrvyviednickaha zabieśpiačeńnia dziejnaści dziaržorhanaŭ Biełarusi, vykanańni raniej dadzienych daručeńniaŭ kiraŭnika dziaržavy, u tym liku ŭ chodzie niadaŭniaha pasiadžeńnia kalehii Kamiteta.
Vadzim Zajcaŭ taksama dałažyŭ ab vykanańni zadač kontrvyviednickaha źmiestu pa spynieńni dziejnaści raźviedorhanaŭ sumiežnaj dziaržavy, jakija sprabavali atrymać dostup da sakretnaj infarmacyi ŭ vajennaj śfiery, u tym liku ŭ ramkach adzinaj sistemy biaśpieki Sajuznaj dziaržavy.
Akramia hetaha havorka išła ab pracy KDB pa spynieńni karupcyjnych i ekanamičnych złačynstvaŭ, druhi supraćpraŭnaj dziejnaści.