Hramadstva

U Minsku zaŭvažyli, što akno adnaho sa šmatpaviarchovikaŭ zakładziena cehłaj. Ci možna tak rabić?

U siecivie źjaviłasia fatahrafija staličnaha šmatkvaternaha doma, u jakim adno z voknaŭ zakłali cehłaj. Što heta było i ci možna tak rabić, daviedalisia «Minsk-Naviny».

U apisańni da zdymku nieardynarnaha architekturnaha rašeńnia byŭ paznačany i adras. U vyniku dom № 36 na vuł. Jakuboŭskaha naviedali z pravierkaj rabotniki ŽKH Frunzienskaha rajona.

Vyśvietliłasia, što akonny prajom zamuravali niezakonna:

«Častka ahulnaj majomaści samavolna pierabudavanaja ŭładalnikami pad kładoŭki, dziela čaho i byŭ zrobleny cahlany mur. Ciapier žycharam vydadzienyja patrabavańni ab vyzvaleńni miescaŭ ahulnaha karystańnia i ab zapaŭnieńni akonnymi błokami prajomaŭ», — raskazali ŭ administracyi Frunzienskaha rajona.

Usie adnaŭlenčyja raboty inicyjatary pierabudovy pavinny buduć vykanać za svoj košt.

Kamientary da artykuła