U Minsku mohuć zakryvać padvały ŭ žyłych damach
8.02.2025 / 16:20
Na apieratyŭnaj naradzie ŭ Minharvykankamie, na pasiadžeńni pracoŭnaj hrupy pa pytańniach utrymańnia i dobraŭparadkavańnia horada abmierkoŭvali stan supraćpažarnaj biaśpieki, paviedamlaje ahienctva «Minsk-Naviny».
Namieśnik načalnika Minskaha haradskoha ŭpraŭleńnia MNS Alaksandr Čarnavusik raskazaŭ, što ŭ 2024 hodzie ŭ padvałach damoŭ u stalicy adbyłosia 16 pažaraŭ, što na dva bolš, čym u 2023-m.
Pa vynikach abśledavańnia, praviedzienaha ŭ 300 žyłych damach, supracoŭniki MNS adznačajuć, što asnoŭnymi prablemami ŭ zachavańni supraćpažarnaj biaśpieki ŭ dadzienym vypadku źjaŭlajucca niezačynienyja i zaśmiečanyja padvały.
Namieśnik staršyni Minharvykankama Aleh Korzun, jaki prysutničaŭ na naradzie, zajaviŭ, što ŭ vypadkach, kali žychary nie prysłuchoŭvajucca da rekamiendacyj i nie chočuć prybirać pakinutaje imi pažaraniebiaśpiečnaje śmiećcie, treba prymać strohija miery:
«Až da zakryćcia dostupu ŭ padvały! Heta budzie niepapularnaja miera, ale ad jaje zaležyć biaśpieka mnohich ludziej».