Pamior Hierman Kiryłaŭ
7.02.2025 / 21:22
6 lutaha ŭ Połacku pamior piśmieńnik Hierman Kiryłaŭ. Jamu było 87 hadoŭ.
Hierman Kiryłaŭ. Fota: facebook.com/alesarkush
Hierman Kiryłaŭ naradziŭsia 15 śniežnia 1937 hoda ŭ Šarkaŭščynie.
U 1954 hodzie skončyŭ Šarkaŭščynskuju siaredniuju škołu, paśla vučyŭsia na adździaleńni žurnalistyki fiłałahičnaha fakulteta BDU. Šmat hadoŭ pracavaŭ u hazietach u Šarkaŭščynie, Miorach, Połacku.
Pisać litaraturnyja tvory pačaŭ u 1970-ja hady. U 1983 hodzie ŭ vydaviectvie «Mastackaja litaratura» vyjšła pieršaja knižka apaviadańniaŭ «Padlotak», bolšaść z ix — pra vajnu. U 1989 hodzie ŭ vydaviectvie «Mastackaja litaratura» vyjšaŭ raman «Pach žyta», u časopisie «Połymia» za 2000 hodzie nadrukavana apovieść «Piramida».
Najbolšuju viadomaść Hiermanu Kiryłavu pryniesła kniha «Prysiahnuli Biełarusi: kniha spoviedziaŭ», jakaja vyjšła ŭ 1997 hodzie i składałasia z uspaminaŭ byłych siabraŭ Biełaruskaha sajuza patryjotaŭ. Za joj Kirałaŭ staŭ łaŭreatam premii imia Alesia Adamoviča Biełaruskaha PEN-centra.
Z 1991 hoda byŭ členam Sajuza biełaruskich piśmieńnikaŭ.