Міліцыя расказала, што сёння здарылася на станцыі метро «Купалаўская»
7.02.2025 / 14:59
На рэйкі ў метро ўпала 18-гадовая дзяўчына. Яна шпіталізаваная.
Фота: Мінск. Галоўнае
Інцыдэнт адбыўся ў 13:53 на станцыі метро «Купалаўская», расказалі ў сталічнай міліцыі.
Аператыўна было знята напружанне з кантактнай рэйкі. Дзяўчыну паднялі на перон і перадалі медыкам.
З траўмамі яна дастаўлена ў бальніцу.
На час інцыдэнту рух па Аўтазаводскай лініі быў прыпынены.