Litva paviedamiła Biełarusi pra vychad z pahadnieńnia ab padvojnym padatkaabkładańni
6.02.2025 / 17:40
Litva prainfarmavała Biełaruś ab denansacyju pahadnieńnia ab paźbiahańni dvajnoha padatkaabkładańnia, paviedamili ŭ pres-słužbie Ministerstva padatkaŭ i zboraŭ Biełarusi. Padatkovaje pahadnieńnie, zaklučanaje 30 hadoŭ tamu, spynić svajo dziejańnie z 2026 hoda.
U Vilni
Pavodle infarmacyi MPZ, im była atrymanaja adpaviednaja nota litoŭskaha MZS ab tym, što litoŭski Siejm 14 studzienia biahučaha hoda denansavaŭ pahadnieńnie ab paźbiahańni dvajnoha padatkaabkładańnia i praduchileńnia ŭchileńnia ad vypłaty padatkaŭ u dačynieńni da padatkaŭ na dachody, padpisanaje ŭradami dźviuch krain 18 studzienia 1995 hoda ŭ Minsku.
«Sa spasyłkaj na artykuł 28 Pahadnieńnia litoŭski bok infarmavaŭ ab spynieńni jaho dziejańnia 1 studzienia 2026 hoda», — havorycca ŭ paviedamleńni.