БЕЛ Ł РУС

Вайна

Спецпрадстаўнік ЗША: Ва Украіны амаль няма шанцаў атрымаць ядзерную зброю

6.02.2025 / 14:59

Nashaniva.com

«Давайце будзем шчырымі, мы абодва ведаем, што гэтага не адбудзецца», кажа спецпрадстаўнік ЗША па пытаннях Украіны Кіт Келаг.

Кіт Келаг. Фота: Mariam Zuhaib / AP

«Верагоднасць таго, што яны атрымаюць назад сваю ядзерную зброю, знаходзіцца дзесьці паміж малой і нулявой», — заявіў спецпрадстаўнік ЗША па пытаннях Украіны і Расіі Кіт Келаг у інтэрв'ю Fox News. — «Давайце будзем шчырымі, мы абодва ведаем, што гэтага не адбудзецца».

На пачатку тыдня прэзідэнт Украіны Уладзімір Зяленскі ў інтэрв'ю брытанскаму журналісту Пірсу Моргану зноў згадаў ядзерную зброю як гарантыю бяспекі Украіны.

«Вярніце нам ядзерную зброю, дайце нам ракетныя комплексы, партнёры дапамогуць нам фінансаваць мільённую армію, перамесціце свой кантынгент у тыя рэгіёны нашай краіны, дзе мы хочам стабільнасці, каб у людзей быў спакой», — сказаў Зяленскі.

Украіна адмовілася ад ядзернай зброі ў 1994 годзе ў межах Будапешцкага мемарандума. Дакумент, падпісаны Расіяй, Украінай, Вялікабрытаніяй і ЗША, прадугледжваў гарантыі тэрытарыяльнай цэласнасці Украіны ў абмен на адмову ад ядзернай зброі.

Чытайце таксама:

Каментары да артыкула