Tramp paabiacaŭ źniščyć Iran u vypadku zamachu na siabie
5.02.2025 / 11:43
«Ja pakinuŭ instrukcyi: kali jany [Iran] heta zrobiać, jany buduć źniščanyja, ad ich ničoha nie zastaniecca», — pryhraziŭ Tramp.
Donald Tramp. Fota: AP
Amierykanski prezident Donald Tramp zajaviŭ, što daŭ svaim daradcam ukazańnie źniščyć Iran, kali toj zabje jaho, piša AP.
Tramp zajaviŭ, što kali Iran heta zrobić, jon budzie źniščany.
«Ja pakinuŭ instrukcyi: kali jany heta zrobiać, jany buduć źniščany, ničoha nie zastaniecca», — skazaŭ jon.
Pa kanstytucyi, u vypadku hibieli prezidenta jaho pasadu zajmaje vice-prezident — ciapier heta Džej Dzi Vens.
Fiederalnyja ŭłady ZŠA hadami adsočvali iranskija pahrozy ŭ adras Trampa i inšych słužbovych asob administracyi, piša AR.
Tramp zajaŭlaŭ, što choča adnavić svaju kampaniju maksimalnaha cisku na Iran, kab spynić Tehieran ad atrymańnia jadziernaj zbroi i źvieści da nula ekspart nafty.
Mienavita Tramp rasparadziŭsia ŭ 2020 hodzie likvidavać vysokapastaŭlenaha hienierała Korpusa vartavych Isłamskaj revalucyi Irana Sulejmani.