Sikorski adkazaŭ Ryžankovu pra palityčnyja kantakty
4.02.2025 / 16:37
Vydańnie «Lusterka» padčas Foruma Kaściuški ŭ Hdańsku paprasiła ministra zamiežnych spraŭ Polščy Radasłava Sikorskaha prakamientavać učarašniuju zajavu kiraŭnika biełaruskaha MZS Maksima Ryžankova pra najaŭnaść kantaktaŭ i praviadzieńnie pieramovaŭ pamiž Varšavaj i Minskam.
Radasłaŭ Sikorski. Fota: Ludovic Marin, Pool via AP
«U nas niama nijakich kantaktaŭ na palityčnym uzroŭni, — skazaŭ Sikorski ŭ adkaz na pytańnie «Lusterka». — Ale biełaruski bok dobra viedaje, što musić zrabić, kab hetyja kantakty byli».
3 lutaha ministr zamiežnych spravaŭ Biełarusi Maksim Ryžankoŭ zajaviŭ, što ŭ Varšavy i Minska jość šmat pytańniaŭ, jakija patrabujuć abmierkavańnia.
«Ministerstva zamiežnych spraŭ Polščy pra heta dakładna viedaje, — śćviardžaŭ Ryžankoŭ. — U nas jość kantakty, my ŭ papiarednim paradku pra heta havorym».