Byłoha pamiežnika sudziać za «zdradu dziaržavie». Pahražaje da 15 hadoŭ
4.02.2025 / 16:4
Siarhiej Cierachovič pracavaŭ u «Bruzhach» na biełaruska-polskaj miažy.
Siarhiej Cierachovič. Fota z bazy «Kibierpartyzanaŭ»
Siarhieju Cierachoviču 42 hady. Jon naradziŭsia i ŭsio žyćcio pražyŭ u Hrodnie. Pa źviestkach «Biełpoła», jon da kanca 2016 hoda słužyŭ staršym technikam u pamiežnaj čaści 2141, jakaja absłuhoŭvała punkt «Bruzhi» na biełaruska-polskaj miažy.
Słužba skončyłasia niezrazumiełym incydentam na miažy — Siarhiej samastojna adkryŭ šłahbaum i dazvoliŭ «hramadziancy Cierachovič» (niezrazumieła, heta jaho svajačka ci nie) vyjechać z punktu propusku.
Pa źviestkach Digital Intelligence Team, paśla 2016 hoda Cierachovič zaniaŭsia ŭłasnym biznesam. Siarhiej staŭ dyrektaram firmy «Sieviry Servis», jakaja akazvała rytualnyja pasłuhi. Taksama ŭ jaho jość status IP, śfieraj dziejnaści jakoha paznačana «Paštovaja dy kurjerskaja dziejnaść».
Sud nad Siarhiejem Cierachovičam pačynajecca 17 lutaha 2025 hoda ŭ Hrodzienskim abłasnym sudzie. Jaho abvinavačvajuć u «zdradzie dziaržavie» (č. 1 art. 356 KK). Maksimalna mahčymaje pakarańnie — 15 hadoŭ kałonii.