Sport

Zbornaja Biełarusi pa plažnym futbole vyjšła na čempijanat śvietu

U vyrašalnym matčy kvalifikacyi ŭ ispanskim Kadzisie biełarusy pierajhrali zbornuju Danii — 6:1.

Na pieršym etapie kvalifikacyi biełarusy stali lepšymi ŭ papiaredniaj hrupie D, razhramiŭšy zbornyja Bielhii (11:1) i Małdovy (8:4) i atrymaŭšy ŭ 1/8 finała techničnuju pieramohu nad litoŭcami, jakija nie vyjšli na matč. 

Paśla ŭ matčy druhoha etapa kvalifikacyi adboračnaj hrupy A jany spačatku razhramili šviejcarcaŭ — 9:3, paśla prajhrali italjancam — 3:9, i voś ciapier vyjhrali datčan — 6:1. Hetaha chapaje, kab trapić u finalny turnir, niahledziačy na toje, što ŭ šviejcarcaŭ i italjancaŭ adzin matč jašče napieradzie.

Hety vychad u finalnuju častku čempijanata śvietu dla biełaruskich plažnych futbalistaŭ užo čaćviorty. Zbornaja Biełarusi prymała ŭdzieł u troch apošnich suśvietnych čempijanatach: u 2024 hodzie biełarusy zaniali čaćviortaje miesca, a ŭ 2019-m i 2021-m nie zmahli prabicca ŭ płej-of. U hetym siezonie kamanda Nikałasa Alvarada stała bronzavym pryzioram Jeŭralihi.

Čarhovy suśvietny forum projdzie z 1 pa 11 maja 2025 hoda na Siejšelskich astravach.

Kamientary da artykuła