Грамадства

Шахеды пачалі адзін за адным збівацца з курсу і вяртацца ў Беларусь. Сёння з-за беспілотніка зноў паднялі баявую авіяцыю

Дрон-камікадзэ праляцеў над Беларуссю 300 кіламетраў. І гэта ўжо другі за сёння.

Ілюстрацыйнае фота: Мінаабароны

Дрон-камікадзэ, які раніцай заляцеў у паветраную прастору Беларусі, меркавана дасягнуў Магілёва. Для перахопу шахеда паднялі баявую авіяцыю.

У 09:15 з аэрадрома «Баранавічы» быў узняты знішчальнік Су-30 Ваенна-паветраных сіл, а з аэрадрома «Мачулішчы» ў 09:10 верталёт Мі-24, паведамляе «Беларускі Гаюн».

Па даных маніторынгавай групы, шахед ляцеў па наступным маршруце: заход у Беларусь у раёне трасы Р37 (в. Аляксандраўка) далейшы рух на Нароўлю, далей БПЛА зайшоў у Магілёўскую вобласць і рухаўся на Бабруйск, Быхаў, Беразіно і далей на Магілёў.

@nashaniva Чаму шахеды пачалі адзін за адным залятаць у Беларусь? #беларусь #україна #шахед #дрон #дрони #війна #минск #могилев #гомель #нашаніва ♬ War Hammer - Noise Candy Music

На бягучы момант БПЛА ўжо праляцеў над Беларуссю больш за 300 км.

Гэта ўжо чацвёрты дрон-камікадзэ, які заляцеў на тэрыторыю Беларусі з 11 ліпеня і другі за сённяшні дзень.

Каментары да артыкула