Vajna

Ukraincaŭ skaryła VIDEA, jak vieteran na pratezie raźbiraje zavały dziciačaj kliniki ŭ Kijevie. Akazałasia, heta biełarus

Arciom Kuźmič «Hrot» dapamahaje likvidavać nastupstvy rasijskaha ŭdaru.

Skrynšot videa

Ukrainski tvitar skaryła videa, na jakim vieteran USU z pratezam dapamahaje raźbirać zavały ŭ dziciačaj klinicy «Achmatdziet» u Kijevie paśla rakietnaha ŭdaru.

Vietieran z protiezom roźbiraje zavali Ochmaditu.

Koli baču takie - vira v nas pieriepovniuje.

p.s: chłopcia zvati Artiem Hrot. Vietieran, SSO. pic.twitter.com/fW48JpXcP0

— yurasov.pro (@yurasov_vitaliy) July 8, 2024

Akazałasia, što heta biełarus Arciom Kuźmič z pazyŭnym «Hrot». 

«Vieteran z pratezam raźbiraje zavały «Achmatdzieta». Kali baču takoje — viera ŭ nas pierapaŭniaje», — padpisaŭ videa ŭ X yurasov.pro.

Biełarus Arciom Kuźmič abaraniaŭ Ukrainu z 2014 hoda ŭ «Azovie». U 2019-m u 23 hady jon straciŭ nahu, ale zatym viarnuŭsia na vajskovuju słužbu. 

Arciom Kuźmič. Fota: asabisty albom Arcioma Kuźmiča

«Hrot» słužyŭ instruktaram ukrainskaha śpiecnaza, a taksama adkryŭ spartovy kłub dla paranienych frantavikoŭ. Pra toje, jak jon apynuŭsia na vajnie, Arciom raskazvaŭ u vialikim intervju «Našaj Nivie».

Kamientary da artykuła