Padarunak na jubilej? «Biełaruśfilm» prybraŭ z publičnaha dostupu šmatpakutny film pa apaviadańniach Vasila Bykava
19.06.2024 / 16:5
Adrestaŭravanaja stužka pra Słuckaje paŭstańnie niedastupnaja na jutub-kanale kinastudyi.
Skrynšot: Śviaščenny Biełavud
«Biełaruśfilm» prybraŭ z publičnaha dostupu adrestaŭravany film «Na čornych ladach» pavodle apovieści Vasila Bykava.
Kali mienavita heta adbyłosia, nieviadoma. Adnak «Śviaščenny Biełavud» vyjaviŭ źniknieńnie mienavita ŭ dzień jubileju narodnaha piśmieńnika — siońnia Vasilu Bykavu spoŭniłasia b 100 hadoŭ.
Stužka režysiora Valeryja Panamarova «Na čornych ladach» była źniataja ŭ 1995 hodzie. Karcina, zasnavanaja na tvorach Bykava «Na čornych ladach» i «Pierad kancom», raskazvaje pra Słuckaje paŭstańnie 1920 hoda suprać savieckaj ułady.
Premjera filma ŭ 1995-m tak i nie adbyłasia, jaje pakazali tolki na niekalkich ekranach. Režysioru namiakali, što za niehałosnaj zabaronaj filma staić tahačasny hałoŭny ideołah krainy Uładzimir Zamiatalin. Paśla zapisy filma raspaŭsiudžvalisia ŭ pryvatnym paradku, stužka publična nie demanstravałasia.
U 2020 hodzie «Biełaruśfilm» apublikavaŭ karcinu ŭ palepšanaj jakaści na svaim jutub-kanale.