Partuhalija vyrvała na apošniaj chvilinie pieramohu ŭ Čechii VIDEA
18.06.2024 / 23:55
Čechija — Partuhalija — 1:2.
Dyohu Košta nie daciahvajecca da ŭdaru Łukaša Provada. Fota: Sergei Grits / AP
Partuhalcy ŭvieś čas atakavali, ale čechi złavili ich na 62-j chvilinie na kontratacy. Hoł zabiŭ na 62-j chvilinie Łukaš Provad.
Ale praź siem chvilin partuhalcy zraŭniali. Hałkipier Staniek adbvivaŭ miač paśla ŭdaru Miendeš, adbiŭ na Hranača, a toj zrezaŭ u svaje varoty. Heta ŭžo treci aŭtahoł na čempijanacie.
Hoł Dyohu Žoty byŭ admienieny, ale ŭ kancy Partuhalija vyrvała pieramohu. Vyznačyŭsia Kansesau na druhoj dadadzienaj chvilinie.
39-hadovy Kryšcijanu Ranałdu adyhraŭ uvieś matč i staŭ pieršym u historyi futbalistam, jaki zhulaŭ na šaści čempijanatach Jeŭropy. Jon debiutavaŭ 20 hadoŭ tamu, u červieni 2004 hoda, na turniry, što prachodziŭ u Partuhalii, i zabiŭ u pieršym ža matčy.
U sieradu na čempijanacie Jeŭropy startuje druhi tur.
Što praŭda, spačatku a 16-j projdzie matč u hrupie V. Zhulajuć kamandy Charvatyi i Ałbanii, što prajhrali ŭ pieršym tury.
A zatym adbuducca matčy ŭ hrupie A: Hiermanija — Vienhryja (19:00) i Šatłandyja — Šviejcaryja (22:00).