Грамадства

Нядаўна абраная Каардынацыйная рада ўступіла ў паўнамоцтвы

Такое рашэнне прынята 12 чэрвеня па выніках пасяджэння прадстаўнікоў новага і папярэдняга складаў Каардынацыйнай рады. Пасяджэнне прайшло ў анлайн-фармаце, трансляцыя вялася ў ютуб-канале КР.

Фота: Каардынацыйная Рада

У пачатку пасяджэння прывітальныя словы сказалі Святлана Ціханоўская і спікера Каардынацыйнай рады папярэдняга склікання Андрэй Ягораў, пасля выступілі прадстаўнікі большасці абраных у Каардынацыйную раду кааліцый.

На пасяджэнні па нейкіх прычынах адсутнічалі і адпаведна не выступалі прадстаўнікі спісаў «Воля», «Еўрапейскі выбар»і «Каманда Латушкі і Рух «За Свабоду».

За некалькі гадзін да сходу пяць кааліцый КС трэцяга склікання аб'явілі аб намеры сфармаваць працоўныя органы палітычнай структуры, у сувязі з гэтым спісы «Каманда Латушкі і Рух «За Свабоду», «Еўрапейскі выбар», «Незалежныя беларусы», «Воля» і « Хопіць баяцца» выдалі сумесную заяву.

Каментары да артыкула