Hramadstva

Palina Šarenda-Panasiuk nie vyjšła na svabodu. Jana znajšłasia ŭ Homielskim SIZA

abnoŭlena

Za kratami jana ŭžo amal try z pałovaj hady.

Hramadskaja aktyvistka z Bresta, maci dvaich dziaciej Palina Šarenda-Panasiuk nie vyjšła na volu z kałonii ŭ pryznačanuju datu.

Jak napisaŭ u fejsbuku jaje muž Andrej Šarenda, jašče 19 maja Palinu kudyści etapavali z kałonii №24.

Potym stała viadoma, što Palina znajšłasia ŭ Homielskim SIZA. Jak napisaŭ jaje muž, žančynu zatrymali 19 maja na troje sutak.

Siońnia joj pavinny pradjavić novaje abvinavačvańnie — jahonaja sutnaść pakul nieviadomaja.

U telehram-kanale HUBAZiKa źjaviŭsia źjedlivy dopis z tekstam «A chto ŭvohule skazaŭ, što Šarenda-Panasiuk pavinna była vyjści? Hramadskaści nie varta turbavacca, usie zmahary zastanucca tam, dzie i naležyć».

***

Palinu Šarendu-Panasiuk zatrymali 3 studzienia 2021 hoda. Siłaviki vyłamali dźviery kvatery, praviali ahlad, skanfiskavali šerah rečaŭ, a Palinu zatrymali i ŭ kajdankach advieźli ŭ IČU. Paźniej jaje pieraviali ŭ SIZA.

Joj vystavili abvinavačvańnie pa artykule 364 Kryminalnaha kodeksu (Hvałt u dačynieńni da supracoŭnika milicyi) za toje, što naniesła drapinu adnamu ź milicyjantaŭ, jakija pryjšli da jaje damoŭ.

Taksama jaje vinavacili ŭ abrazie Łukašenki (art. 368 KK) i pradstaŭnika ŭłady (art. 369 KK). 9 červienia 2021 h. sud Maskoŭskaha rajona Bresta pryhavaryŭ jaje da dvuch hadoŭ kałonii.

Viasnoj 2022 hoda jana nie vyjšła na volu, na žančynu zaviali kryminalnuju spravu pa č. 1 art. 411 KK (złosnaje niepadparadkavańnie patrabavańniam administracyi papraŭčaj ustanovy) i prysudzili dadatkovy hod kałonii.

Ale i viasnoj 2023 hoda jana nie vyjšła na volu. Znoŭ artykuł 411 i znoŭ hod kałonii. Za hetyja hady jaje niekalki razoŭ źmiaščali ŭ ŠIZA, a taksama na šeść miesiacaŭ adpravili ŭ PKT. 

Apošnim časam adbyvała pakarańnie ŭ kałonii ŭ Zareččy Rečyckaha rajona.

@nashanivanews Palitźniavolenuju Palinu Šarenda-Panasiuk nie vypuścili na volu #biełaruś #žyviebiełaruś #łukašienko #navinybiełarusi #biełaruskajamova #biełorusy #biełaruśnovosti ♬ Crime Scene - Avery Alexander

Kamientary da artykuła