Aŭto

MUS raspradaje svaje staryja Geely. Pahladzicie, jak vyhladajuć 10-hadovyja aŭto biełaruska-kitajskaj vytvorčaści

Na sajcie «Biełśpieckantrakta» pradajecca adrazu niekalki Geely SC7, usie jany 2013 hoda vypusku. 

Fota: bsk.by

Aŭto paśla DTZ

Najmienš pryvabnaja ź ich, ale nie samaja tannaja — Geely SC7 z pasiołka Karma Homielskaj vobłaści. Za aŭtamabil paśla DTZ prosiać 4 340 rubloŭ (kala $1400). Prykmietna, što i da avaryi stan kuzavu byŭ dalokim ad idealnaha. Na im nie tolki bačnyja ślady karozii, ale i samatužnaha ramontu. Parohi i arki aŭtamabila pafarbavanyja čornym koleram, choć sam aŭtamabil sierabrysty. Ale źvierchu čornaj farby možna zaŭvažyć karoziju.

Fota: bsk.by

Z detalami ŭ bahažniku

Dva samyja tannyja varyjanty acenieny ŭ 4000 rubloŭ (kala 1300 dalaraŭ). Jak paznačana ŭ apisańni, stupień znosu składaje 90%. Abodva aŭtamabila naležać UUS Homielskaha abłvykankama. 

Fota: bsk.by

Adna z mašyn pracavała ŭ Kalinkavičach, jaje prabieh — 181 538 km. Aŭtamabil nie na chadu, častka detalaŭ z padkapotnaj prastory lažyć u bahažniku. 

Na kožnym elemiencie kuzava jość ślady karozii, na niekatorych užo ŭtvarylisia dziry.

Fota: bsk.by

Karozija mocna paškodziła ŭ tym liku siłavyja elemienty kuzava. Łabavoje škło patrabuje zamieny. U adnosna niebłahim stanie zachavaŭsia tolki sałon aŭtamabila.

Jašče adzin varyjant za 4000 rubloŭ — Geely z prabieham 353 556 km, jakaja pracavała ŭ Rečycy. Niahledziačy na bolšy prabieh, prynamsi vizualna aŭtamabil znachodzicca ŭ lepšym stanie. 

Fota: bsk.by.

Ale miescami vyhladaje, byccam hety aŭtamabil prajšoŭ pieradprodažnuju padrychtoŭku ŭ pierakupaŭ. 

Fota: bsk.by

Tamu, kali pryhladziecca bolš pilna, možna zaŭvažyć karoziju na kožnym kuzaŭnym elemiencie, u tym liku parohach aŭtomabila i piarednich stakanach. 

Mašyny paśla DAI

Jašče dźvie mašyny pradaje hrodzienskaje DAI. Obodva aŭto majuć stupień znosu 86,5%. Prabieh u hetych aŭto 281 i 261 tysiača kiłamietraŭ. 

Fota: bsk.by

Ich acanili ŭ 5200 i 5120 rubloŭ adpaviedna. Heta kala 1650 dalaraŭ.

Jak i ŭ papiarednich varyjantach, aŭtamabili majuć ślady karozii na roznych častkach kuzava. Aproč hetaha, značnyja paškodžańni nazirajucca i ŭ sałonie. 

Fota: bsk.by

Na sajcie RUP «Biełśpieckantrakt» paznačana, što takija aŭto nie majuć harantyi i nie padlahajuć viartańniu i abmienu.

Nahadajem, što dla nastupnaj pastanoŭki na ŭlik novy ŭłaśnik aŭto apieratyŭnaha pryznačeńnia musić pryvieści jaho źniešni stan da stanu šarahovaha aŭto.

@nashaniva Biełaruskaja milicyja raspradaje svaje staryja aŭto #biełaruś #naviny #biełaruśsiejčas #biełaruskiciktok #našaniva #biełorusy #novostibiełarusi #biełaruśnovosti #milicijabiełarusi #homiel #riečica #džili ♬ Mysterious and sad BGM(1120058) - S and N

Čytajcie taksama:

Lancia viartajecca. Biez dyziela i ź vialikimi ambicyjami

U Biełarusi pradajecca Jetta VA3, ale heta nie VW i nie VAZ. Kolki kaštuje?

Kamientary da artykuła