Kamandujučy Suchaputnymi vojskami Ukrainy nazvaŭ asnoŭnyja napramki, na jakich nastupajuć rasiejcy
19.12.2023 / 12:34
«Situacyja składanaja. Nam davodzicca vajavać va ŭmovach pieravahi voraha jak va ŭzbrajeńni, tak i ŭ kolkaści asabistaha składu», — kaža Alaksandr Syrski.
Fota: Efrem Lukatsky / AP
Rasiejskija vojski nastupajuć na kupianskim, limanskim i bachmuckim kirunkach, kab zachapić novyja nasielenyja punkty Danieckaj i Charkaŭskaj abłaściej, zajaviŭ kamandujučy Suchaputnych vojskaŭ USU Alaksandr Syrski, paviedamlaje «Ukrainskaja praŭda».
«Na kupianskim, limanskim i bachmuckim kirunkach praciahvajucca nastupalnyja dziejańni voraha. Bachmucki kirunak zastajecca nadzvyčaj važnym dla rasiejskich zachopnikaŭ. Na im jany zasiarodžvajuć asnoŭnyja namahańni i dla viadzieńnia šturmavych dziejańniaŭ užyvajuć najbolš bajazdolnyja padraździaleńni desantnych vojskaŭ, marskuju piachotu i sfarmavanyja z byłych złačyncaŭ padraździaleńni «Štorm Z» i «Štorm V».
Meta voraha na hetym kirunku zrazumiełaja — heta nastup na nasieleny punkt Časavy Jar, zatym na Kanstancinaŭku, Družkaŭku, Słaviansk, Kramatorsk z nastupnym vychadam na miežy Danieckaj vobłaści».
Kamandujučy Suchaputnych vojskaŭ dadaŭ, što na limanskim kirunku rasijskija akupacyjnyja vojski pierajšli da stałych napadaŭ na pazicyi ŭkrainskich vojskaŭ u kirunku Makiejeŭki i Ciernaŭ. Viaducca bajavyja dziejańni na sievierskim kirunku.
«Akupanty aktyŭna vykarystoŭvajuć techniku padčas praviadzieńnia šturmaŭ, jakuju ŭvieś čas źniščajuć ukrainskija abaroncy», — adznačyŭ Syrski.
«Situacyja składanaja. Nam davodzicca vajavać va ŭmovach pieravahi voraha jak va ŭzbrajeńni, tak i ŭ kolkaści asabistaha składu»,— dadaŭ Syrski.
Čytajcie taksama:
Ci chopić Ukrainie zbroi ŭ 2024 hodzie?
Kamandzir «Azova»: Hetaja vajna nadoŭha, zaklikaju ŭsich zrabić śviadomy vybar i ŭziać u ruki zbroju
Zialenski ci Załužny — kamu ŭkraincy daviarajuć bolš? Vyniki sacapytańnia