Hramadstva

Zaviali kryminalnuju spravu za abrazu pamierłaha milicejskaha načalnika sa Ščučyna

Pa infarmacyi vydańnia Hrodna Life, siłaviki pačali zatrymlivać ludziej za kamientary ŭ suviazi sa śmierciu namieśnika kiraŭnika Ščučynskaha RAUS padpałkoŭnika Siarhieja Asavika. Toj pamior na pracoŭnym miescy.

Pakul praŭładnyja kanały paviedamlajuć jak minimum pra adnaho zatrymanaha. Supracoŭniki ŭpraŭleńnia pa Hrodzienskaj vobłaści HUUB MUS zatrymali za abraźlivyja kamientary 42-hadovaha mužčynu. Kažuć, što ŭ jaho šeść sudzimaściaŭ, u tym liku — za zabojstva.

Pry hetym siłaviki adznačyli, što heta nie adziny padobny kamientar.

Pra śmierć Siarhieja Asavika stała viadoma 29 listapada. Jamu było 42 hady. U Ščučynskim RAUS jon pracavaŭ namieśnikam načalnika adździeła — načalnika milicyi hramadskaj biaśpieki.

Viadoma, što Asaviku stała drenna na pracoŭnym miescy i daktary chutkaj dapamohi nie zmahli jaho vyratavać.

Čytajcie taksama:

Za padtrymku Ukrainy i Pałka Kalinoŭskaha ŭ sacsietkach zatrymali minčuka

Byłoha mahiloŭskaha błohiera Alesia Sabaleŭskaha aryštavali na 10 sutak

«Z rajvykankamam u nas zaŭsiody byli kanstruktyŭnyja adnosiny». Jak stać «ekstremisckim farmavańniem», nie pišučy pra palityku

Kamientary da artykuła