Rasavijacyja apublikavała poŭny śpis pasažyraŭ «Embrajera» z Pryhožynym i Utkinym
23.08.2023 / 23:10
Usie cieły, jak paviedamlajecca, vyjaŭlenyja. Bolšaja častka mocna abhareła.
Jaŭhien Pryhožyn i Dźmitryj Utkin
Śpis pasažyraŭ, apublikavany Rasavijacyjaj:
- Propustin Sergey (Prapuścin Siarhiej);
- Makaryan Evgeniy (Makaran Jaŭhien);
- Totmin Aleksandr (Tatmin Alaksandr);
- Chekalov Valeriy (Čakałaŭ Valeryj);
- Utkin Dmitriy (Utkin Dźmitryj);
- Matuseev Nikolay (Matusiejeŭ Mikałaj);
- Prigozhin Evgeniy (Pryhožyn Jaŭhien).
Členy ekipaža:
- Levshin Aleksei (Leŭšyn Alaksiej), kamandzir;
- Karimov Rustam (Karymaŭ Rustam), druhi piłot;
- Raspopova Kristina (Raspopava Kryścina), bortpravadnica.
Adnosna pieraličanych asob viadoma, što Siarhiej Prapuścin i Jaŭhien Makaran byli ŭniesienyja ŭ bazu ŭkrainskaha sajta «Miratvorac» jak bajcy PVK «Vahnier».
Alaksandr Tatmin, pa źviestkach taho ž «Miratvorca», udzielničaŭ u vajennych dziejańniach u Sudanie.
Valeryj Čakałaŭ — hienieralny dyrektar ZAT «Niava». Vydańnie «Fontanka» pisała, što «Niava» stała ŭłaśnikam firmy «Jeŭra polis», źviazanaj z Pryhožynym. Pa infarmacyi vydańnia, apošniaja ŭ 2016 hodzie damoviłasia z uradam Siryi ab dapamozie ŭ zmahańni z uzbrojenaj apazicyjaj i achovie naftahazavych radoviščaŭ krainy, a naŭzamien atrymała kantrakty na zdabyču čverci atrymanych ź ich vuhlevadarodaŭ. Ciapier «Jeŭra polis» znachodzicca pad sankcyjami ES mienavita za suviazi z PVK «Vahnier». Sam Čakałaŭ taksama ŭ lipieni piersanalna trapiŭ pad sankcyi ZŠA za suviazi z Pryhožynym.
Čytajcie taksama:
Telehram-kanał Grey Zone, nabližany da «Vahniera», paćvierdziŭ hibiel Pryhožyna
Pobač ź miescam padzieńnia samalota Pryhožyna stajała čatyry dyvizijony S-300 — The Moscow Times
Śledčyja razhladajuć niekalki viersij krušeńnia samalota Pryhožyna — RBK
«Usio narmalna, lacim na hastroli ŭ Minsk». Navina ab śmierci Pryhožyna ŭzarvała bajnet i nie tolki
U Ćviarskoj vobłaści Rasii ŭpaŭ biznes-džet «Embrajer», usie zahinuli. Jon naležyć Pryhožynu