Pryznačany novy hałoŭny trenier zbornaj Biełarusi pa futbole. Papiarednim miescam jaho pracy była zbornaja Ruandy
8.08.2023 / 10:4
48-hadovy ispanski śpiecyjalist Karłas Ałos Fierer pryznačany hałoŭnym trenieram zbornaj Biełarusi, piša «Priessboł».
Karłas Ałos Fierer padčas kiravańnia «Kajratam». Fota: VI Images via Getty Images
Papiarednim miescam jaho pracy była zbornaja Ruandy, jakaja zajmaje 138-je miesca ŭ rejtynhu FIFA, Biełaruś — 98-ja.
Taksama jon na praciahu troch hadoŭ pracavaŭ u varšaŭskaj akademii «Barsiełony», dva hady kiravaŭ junackaj (U-17) zbornaj Kazachstana.
Razam z «Kajratam» zavajoŭvaŭ Kubak Kazachstana. Taksama ŭznačalvaŭ kłuby Kipra, Katara, Maroka, Polščy, Hankonha.
Nahadajem, što ŭ červieni Hieorhij Kandraćjeŭ byŭ adpraŭleny ŭ adstaŭku. Jon u 2021 hodzie ŭznačaliŭ nacyjanalnuju zbornuju druhi raz, za dva hady kamanda zdabyła tolki adnu aficyjnuju pieramohu. Pryčym heta adbyłosia ŭ apošnim matčy pad kiraŭnictvam treniera nad zbornaj Kosava, pierad hetym Biełaruś prajhrała try matčy ŭ adbory da Jeŭra-2024.
Zbornuju Biełarusi ŭžo treniravaŭ zamiežnik. U 2007—2011 hadach koŭčam nacyjanalnaj družyny byŭ Biernd Štanhe. Hetyja časy ŭspaminajucca z nastalhijaj.