Prezident Litvy i premjer Polščy sustrenucca ŭ Suvałskim kalidory. Buduć abmiarkoŭvać vahnieraŭcaŭ
3.08.2023 / 8:33
Siońnia prezident Litvy Hitanas Naŭsieda i premjer-ministr Polščy Matevuš Maraviecki praviaduć sustreču ŭ tak zvanym Suvałskim kalidory. Jana adbudziecca na terytoryi Polščy.
Hitanas Naŭsieda (druhi źleva), Matevuš Maraviecki (treci źleva) i premjer-ministarka Danii Miete Frederyksien na samicie ES u Brusieli. Maj 2022 hoda. Fota: AP Photo / Olivier Matthys
Baki majuć namier abmierkavać situacyju ź biaśpiekaj na miažy ź Biełaruśsiu z ulikam patencyjnych pahroz, jakija moža nieści źjaŭleńnie ŭ Biełarusi PVK «Vahnier», piša Reform.by.
Raniej źjaŭlałasia infarmacyja, što kala sotni vahnieraŭcaŭ pieramiaścilisia ŭ rajon, blizki da Suvałskaha kalidora. U aŭtorak Alaksandr Łukašenka zajaŭlaŭ, što vahnieraŭcy znachodziacca pad kantrolem i ŭsie ich pieramiaščeńni pa Biełarusi źviazanyja vyklučna z treniroŭkami, jakija jany pravodziać dla biełaruskich vajskoŭcaŭ.