U Małarycie ŭ mužčyny z padvała prapała 70 słoikaŭ z zakatkami
31.07.2023 / 15:15
U Małarycki RAUS źviarnuŭsia 49-hadovy žychar rajona i raspavioŭ, što z padvała ŭ jaho domie prapała nie mienš za 70 słoikaŭ z kansiervavanaj pradukcyjaj, paviedamlaje bresckaja milicyja.
Milicyja vyśvietliła, što da kradziažu datyčny 42-hadovy susied paciarpiełaha, jaki raniej u pole zroku milicyi nie traplaŭ.
Mužčyna pryznaŭsia, što adnojčy, padabraŭšy kluč, prakraŭsia ŭ čužy padvał i prychapiŭ z saboj niekalki słoikaŭ z zakatkami. Rassmakavaŭšy kradzienaje, susied znoŭ advažyŭsia na złačynstva. Jon pieryjadyčna viartaŭsia ŭ padvał i zabiraŭ słoiki.
Zaviedziena kryminalnaja sprava za kradziež.