Siłaviki pačali šukać kamientataraŭ dyviersii na aeradromie ŭ Mačuliščach
26.02.2023 / 22:37
Bypol piša, što atrymlivaje infarmacyju pra toje, što siłaviki pačali adpracoŭvać sacyjalnyja sietki, kab vyjavić tych, chto kamientuje padziei na aeradromie «Mačuliščy» ŭ niehatyŭnym klučy.
«Pavažanyja biełarusy, budźcie aściarožnyja. Vykonvajcie ličbavuju hihijenu i nie padstaŭlajciesia lišni raz, pakidajučy kamientaryi pad navinami», — papiaredžvaje abjadnańnie byłych siłavikoŭ.
Nahadajem, rankam kala 9-j ranicy na aeradromie byli čutnyja dva vybuchi. Paviedamlałasia, što paciarpieŭ vielmi kaštoŭny rasijski samalot dalniaj raźviedki DRŁV A-50, jon byŭ padarvany ŭ dvuch miescach. Usiaho takich samalotaŭ u Rasii, sapraŭdnych i niaspraŭnych, dzieviać. Jon vykarystoŭvaŭsia dla naviadzieńnia rasijskich rakiet na celi va Ukrainie.