У цэнтры Мінска на продаж выставілі кватэру, у якой цана метра — 6829 даляраў. Глядзіце, што ўнутры
22.12.2022 / 14:26
На Карла Маркса ў Мінску на продаж выставілі чатырохпакаёвую кватэру за 825 тысяч даляраў — такім чынам, метр каштуе 6829 даляраў. Realt паглядзеў, што прапануюць за такія грошы.
Кватэра знаходзіцца на другім паверсе цаглянай чатырохпавярхоўкі на Карла Маркса, 21.
Плошча кватэры — 121 квадратны метр. Столь — 3,02 метра.
У кватэры чатыры ізаляваныя пакоі, кухня і два санвузлы. Інтэрʼер у класічным стылі. На падлозе паркет. Выкананы глыбокі рамонт з заменай усіх камунікацый і выкарыстаннем матэрыялаў прэміум-класа, гаворыцца ў абʼяве.
Спальні таксама выкананы ў класічным стылі, але кожная мае свае асаблівасці.
Кошт — 825 тысяч даляраў, магчымы гандаль.