Kańje Uest praciahvaje antysiemickija razmovy ŭ internecie i kaža, što jon nacyst
7.02.2025 / 19:45
Šmat hadoŭ tamu Kańje Uest užo straciŭ vyhadny kantrakt z Yeezy, Adidas i inšymi partniorami paśla antysiemickich vykazvańniaŭ u tvitary i instahramie. Ciapier jon napisaŭ u X, što «nikoli nie prasiŭ prabačeńnia za svaje habrejskija kamientary», raspaviadaje Forbes.
Fota: Ashley Landis, AP
Nočču na piatnicu Kańje Uest apublikavaŭ mnostva pastoŭ u X. U ich jon skazaŭ, što muzyčny mahnat Diddy pavinien być vyzvaleny z turmy, a sam Kańje kantraluje svaju žonku Bjanku Cenzary.
Taksama artyst rabiŭ antysiemickija kamientary i ŭschvalaŭ Hitlera.
Jašče ŭ pastach Kańje Uest šmat pisaŭ pra habrejski narod i Chałakost, u tym liku «Ja lublu Hitlera takim, jakim jon jość», «Ja nacyst», «Ja źbirajusia narmalizavać razmovy pra Hitlera tak, jak jany kažuć pra zabojstvy niehraŭ» i inšyja.
Siarod inšych pastoŭ byli taksama kamientary pra dziŭny truk, jaki Uest razam sa svajoj žonkaj zrabili na cyrymonii ŭručeńnia premii «Hremi» — Bjanka Cenzary była apranuta ŭ zusim prazrystuju sukienku.
Vybar adzieńnia vyklikaŭ u internecie sprečku ab tym, ci była heta sukienka natchnialnaj mastackaj zajavaj abo źnievažalnaj formaj prymusu z boku Uesta, jaki ŭ piatnicu zajaviŭ: «Ja ŭładar nad svajoj žonkaj, i heta ŭžo nijakaje nie aśviečanaje fieministyčnaje tryźnieńnie».
Jon dadaŭ, što heta sukienka była rašeńniem Cenzary, i jon nie staŭ by prymušać jaje rabić toje, čaho jana nie choča, ale jana «dakładna nie zmahła b zrabić heta bieź jaho adabreńnia».