Małdova aficyjna zajaviła pra niepryznańnie vybaraŭ Łukašenki
29.01.2025 / 20:11
Respublika Małdova nie pryznaje vybary ŭ Biełarusi i dałučajecca da zajaŭ Jeŭrapiejskaha sajuza, paviedamiła Ministerstva zamiežnych spraŭ hetaj krainy.
Fota: Maksim Konstantinov/SOPA Images/LightRocket via Getty Images
Pavodle aficyjnaha Kišyniova, Małdova dziejničaje jak kandydat na ŭstupleńnie ŭ ES, a status kandydata i praces dałučeńnia praduhledžvajuć uzhadnieńnie svaich krokaŭ na mižnarodnaj arenie z dekłaracyjami i abmiežavalnymi mierami ES.
U pytańni biełaruskich vybaraŭ Małdova dałučyłasia da pazicyi ES pa pytańniach pravoŭ čałavieka, palityčnaha ŭdziełu i dostupu hramadzian da niezaležnych ŚMI, hramadzianskaj apazicyi i lehitymnaści vybarčych pracesaŭ u krainach, dzie pravodziacca vybary.
22 studzienia Jeŭrapiejski parłamient pryniaŭ rezalucyju, u jakoj zaklikaŭ krainy ES, dziaržavy-členy i mižnarodnuju supolnaść nie pryznavać lehitymnaść prezidenckich vybaraŭ u Biełarusi. Choć hetaja rezalucyja była zabłakavanaja Vienhryjaj, ale tym nie mienš ź jeŭrapiejskich krain nasupierak joj pajšli pakul tolki ŭłady Sierbii i častkova Bośnii i Hiercahaviny. Ich kiraŭniki pavinšavali Łukašenku z «pieraabrańniem».
Hałasavańnie adbyłosia 26 studzienia, Łukašenku padkantrolnaja jamu CVK namalavała 86,82% hałasoŭ.