Hramadstva

U Biełarusi źjaviŭsia novy vid machlarstva — ludziam telefanujuć nibyta padatkaviki

Machlary prapanujuć zapisacca na atrymańnie elektronnaha ličbavaha podpisu.

Ilustracyjnaje fota: mmr.ua

U Biełarusi źjaviŭsia novy vid machlarstva. Afierysty telefanujuć hramadzianam, pradstaŭlajucca supracoŭnikami padatkovych orhanaŭ i prapanujuć nabyć kody papiaredniaha zapisu dla atrymańnia elektronnaha ličbavaha podpisu (EŁP).

Zvanki pastupajuć jak pa telefonie, tak i praź miesiendžary. U MPZ źviarnuli ŭvahu, što takija zvanki padatkaviki nie ažyćciaŭlajuć. Papiaredni zapis na atrymańnie EŁP ažyćciaŭlajecca kantakt-centram i na partale biaspłatna, piša centr piersanalnych danych.

Dla papiaredniaha zapisu vykarystoŭvajucca piersanalnyja danyja, a ich davańnie nieviadomym ludziam moža paciahnuć za saboj niehatyŭnyja nastupstvy.

Kamientary da artykuła