Donald Tramp apublikavaŭ pieršaje videa ŭ tyktoku
2.06.2024 / 14:14
Amierykanski miljarder i 45-y prezident ZŠA Donald Tramp dałučyŭsia da tyktoku, jaki naležyć kitajskamu technałahičnamu hihantu ByteDance. Tramp sprabavaŭ zabaranić płatformu, kali byŭ prezidentam ZŠA.
Tramp apublikavaŭ svajo pieršaje videa ŭ tyktoku ŭ subotu ŭviečary. Jon sabraŭ užo bolš za 700 tysiač padpisčykaŭ.
Sproba Trampa zabaranić TikTok u 2020 hodzie była zabłakavanaja sudami. U sakaviku 2024 hoda jon zajaviŭ, što płatforma ŭjaŭlaje pahrozu nacyjanalnaj biaśpiecy.
Prezident ZŠA Džo Bajden padpisaŭ zakon, jaki zabaraniaje TikTok u ZŠA, kali kitajskaja kampanija ByteDance nie pradaść sacsietku na praciahu hoda.
TikTok i kitajskaja kampanija ByteDance vydatkavali ŭ hetym hodzie 7 miljonaŭ dołaraŭ, kab pasprabavać pieraškodzić uradu ZŠA zabaranić sacyjalnuju sietku ŭ krainie, piša «Ekanamičnaja praŭda».