Vyjšła novaja kniha Maksima Znaka «Zekamieron. Vieršy. Hutarki»
21.05.2024 / 15:56
Vydaviectva «Połackija łabirynty» publikuje novuju knihu Maksima Znaka «Zekamieron. Vieršy. Hutarki». Pavodle prezidentki Biełaruskaha PENa Taćciany Niadbaj, minuły «Zekamieron» razyšoŭsia vielmi chutka, tamu jaho vyrašyli pieravydać, a vieršy i «Hutarki» drukujucca ŭpieršyniu», piša Reform.news.
Nabyć knihu možna budzie na stendzie biełaruskich vydaŭcoŭ na Varšaŭskim knižnym kirmašy, jaki projdzie 23-26 traŭnia ŭ Pałacy kultury i navuki. Start prodažaŭ navinki adbudziecca 25 traŭnia ŭ 14.00.
Hetaksama da Dnia palitviaźniaŭ u Biełarusi Biełaruski PEN padrychtavaŭ prynty z vyjavami Maksima Znaka i Alesia Bialackaha.
«Nasicie biełaruskich palitviaźniaŭ z saboj i nahadvajcie śvietu pra toje, što Biełarusi patrebnaja dapamoha ŭ ratavańni ludziej z-za krataŭ», — źviartajecca da ŭsich niedziaržaŭnaje abjadnańnie.
Biaspłatna spampavać makiety pryntoŭ z vyjavami Maksima Znaka i Alesia Bialackaha možna tut i tut.