Свет

Літва спыніла пропуск грузавых машын з Калінінградскай вобласці

Пропуск спыніўся ў 23:00 у сераду.

Ілюстрацыйнае фота

Літва спыніла пропуск грузавых машын з Калінінградскай вобласці, прычыны пры гэтым не тлумачыць, паведаміла Федэральная мытная служба (ФМС) Расіі.

«Літоўскі бок спыніў пропуск грузавых машын з Калінінградскай вобласці. З 23:00 20 сакавіка Літва без тлумачэння прычын не прыняла ніводнага грузавіка з Расіі», — гаворыцца ў паведамленні ведамства.

У сувязі з гэтым перад шматбаковым аўтамабільным пунктам пропуску «Чарнышэўскае» ўтварылася чарга з 140 велікагрузаў.

Яшчэ 25 грузавікоў, аформленых калінінградскімі мытнікамі, знаходзяцца на нейтральнай паласе, адзначае ФМС.

Чытайце таксама:

У Літве на мяжы з Беларуссю затрымалі першы аўтамабіль з расійскімі нумарамі. Цяпер так будуць рабіць заўсёды

Літва забараніла высадку пасажыраў з транзітных цягнікоў з Беларусі ў Калінінград

Лінкявічус: Калі Расія адважыцца кінуць выклік НАТА, Калінінград будзе нейтралізаваны першым

Каментары да артыкула