Hramadstva

Baćkam biełaruskich bajcoŭ-dobraachvotnikaŭ prapanujuć pierakanać ich viarnucca i pakajacca

Pra adzin z vypadkaŭ «pracy» siłavikoŭ sa svajakami biełaruskich dobraachvotnikaŭ, jaki adbyŭsia niadaŭna, napisała vydańnie «Miedyja-Paleśsie».

Zdymak ilustracyjny

Pavodle źviestak vydańnia, mužčyna rodam z Paleśsia vajuje na terytoryi Ukrainy ź pieršych dzion vajny. Uvieś hety čas jaho baćkoŭ «nie zabyvajuć» siłaviki. A dniami adbyŭsia čarhovy vizit.

Padčas jaho siłaviki praviali sa svajakami «kalinoŭca» prafiłaktyčnuju hutarku, pierakonvajučy ich, što kali syn vierniecca, to jaho pamiłujuć. I nastojliva paprasili padpisać razdrukoŭku ŭkaza ab viartańni z tłumačeńniami.

Baćki kalinoŭca źviarnuli ŭvahu na toje, što «zdacca» ich synu prapanujecca da 31 śniežnia minułaha hoda, to-bok termin užo skončyŭsia. Na heta im adkazali, što, maŭlaŭ, chaj usio adno viartajecca, bo termin praciahnuli.

Čytajcie taksama:

«Źmianšeńnie padtrymki biełaruskich dobraachvotnikaŭ va Ukrainie — heta ŭ tym liku i cana, jakaja płacicca za palityčnyja ambicyi niekatorych ludziej»

«Biełarusy zabylisia pra vajnu. Našych dobraachvotnikaŭ nazyvajuć najmitami» — były kalinoviec Kłačko

Va Ukrainie nazvali vulicu ŭ honar Mirasłava Łazoŭskaha, jaki zahinuŭ u Bachmucie

Vyjšaŭ kalandar z partretami biełaruskich vajaroŭ, jakija zahinuli va Ukrainie. Ich namalavali ŭkrainskija dzieci

Kamientary da artykuła