Ukraina atrymaje pieršy tranš dapamohi ad ES u pamiery 3 młrd jeŭra
16.01.2023 / 15:26
Na hetym tydni Ukraina atrymaje try z vasiamnaccaci miljardaŭ jeŭra, abiacanych Kijevu Jeŭrasajuzam u jakaści makradapamohi, paviedamiŭ u paniadziełak premjer-ministr Ukrainy Dzianis Šmyhal.
Jon adznačyŭ, što hetyja srodki nieabchodnyja Ukrainie dla padtrymańnia makrafinansavaj stabilnaści.
Miemarandum ab pradastaŭleńni ES pakieta ahulnym abjomam 18 młrd jeŭra padpisaŭ vice-prezident Jeŭrakamisii Vałdzis Dambroŭskis.
«Heta dazvolić Ukrainie zakryć samyja nadzionnyja patreby, majučy stabilnaje pastupleńnie srodkaŭ na praciahu hoda», — zajaviŭ jon.
Daty, na jakija zapłanavany inšyja tranšy, nie nazyvajucca.
Uzhadnieńnie dadzienaha pakieta dałosia krainam ES niaprosta. U pryvatnaści, Vienhryja doŭha vystupała suprać.
Pryjści da pahadnieńnia błoku ŭdałosia ŭ siaredzinie śniežnia 2022 hoda.