Кіраўнік МЗС Украіны пракаментаваў словы Лукашэнкі пра Крым
1.12.2021 / 9:32
Міністр замежных спраў Украіны Дзмітрый Кулеба пракаментаваў заявы Аляксандра Лукашэнкі аб «дэ-юрэ і дэ-факта расійскім Крыме». Зрабіў гэта ўкраінскі чыноўнік на саміце міністраў замежных спраў НАТА ў Рызе, паведамляе Укрінфарм.
«Мы будзем ацэньваць яго дзеянні. Калі Беларусь сапраўды прызнае незаконную акупацыю Крыма Расіяй, гэта нанясе непапраўны ўдар па ўкраінска-беларускіх адносінах», — сказаў кіраўнік МЗС Украіны.
Ён таксама дадаў, што ў гэтым выпадку Украіна «будзе дзейнічаць па поўнай праграме», а Крым не з'яўляецца пытаннем, у якім Украіна «дазваляе сабе ўстрыманне».